قصيده في وصف الطير (لشاعر محمد بن حمد بن فطيس المري)

هاي القصيده في وصف الطير
><
><
><
><
><
><

راع القنص مسجون وفراجه سهيل
وشلون ما يبغون شوفـه يشوقـه
اللي يعـدون الصقـاره غرابيـل
ما ذاقوا اللي فالصحـاري نذوقـه
انقوم صبح ونرقد من اول الليـل
في دار عشب ٍ تلحق الماء عروقه
انقـوم للمـذن مقـام ٍ بتهلـيـل
يوم ٍ طوال الليل نرقـب شروقـه
برض ٍ بها لبرق الدواغر مداهيل
قد مرها الوسمي وشافت بروقـه
نسيمها كن فيه من نكهـة الهيـل
يكفـخ بخفـاق ٍ قبضـه معلوقـه
ما شيف فيها الا ثر الصيد والسيل
وخاطي ثر ٍ للـي يـدور لنوقـه
الصيد فيها لـه مـداس ومقاييـل
كنك لها من كـل ديـره تسوقـه
وندوج بأشقر صافي الظهر والذيل
مطروح قد ريشة ظهره محروقـه
له هيبة فالجـو قبـل المحابيـل
فرخ العقاب ايخاشره في حقوقـه
على عيونه له قحوف ٍ مضاليـل
اقحوف شيخ ٍ تاج الامجاد فوقـه
يطلع وطلعه لا طلع.. طلع دربيل
زود ٍ على طلعه وطبعه.. لحوقـه
لاقفت تغرف الجو وتجر وتميـل
راع الحمامه دونهـا مـا يعوقـه
اذكر عليه اللي له الحول والحيـل
الى اتقت من تحت ذيلـه اسبوقـه
اطياره ايخلـي المقافـي مقابيـل
ارماش عين اللي قذى العج موقـه
هاذي طراة العمر من دون تقليـل
بهواية اللي ذوقنـا غيـر ذوقـه
وهذا اللي يحبب هل الطير بسهيل
وخوة رجال ٍ الخوى مـا تبوقـه
موجز عن المقناص ماهو بتفصيل
وكل ٍ يمدح ربح سوقـه بسوقـه

صح الله السان الشاعر

منقوووووووووووووووووووول

اتريه ردودكم

مع التحيات اخوكم :ولـــــــــــــ الظبي ــــــــــــد[/b]

مشكوور .. ع القصييدهـ الحلوهـ ..


ماشاءاللهـ ..

العفوا حلت دنيااااج



تسلمين الغاليه على المرور الطيب

تسلم ولد الظبي ع القصيده الرووووعه ,,

والله يعطيك العافيه ,,

ولا تحرمنا من يديدك ,,

=)

الله يسلمج من كل شر

الله يعافيج

نشاء الله دوم اشوفين اليديد


تسلمين الغاليه على الرد الطيب

الله يعطيج العافيه

تسلم ولد الظبي على قصيده

والله يعطيك العافيه